178
Ndeshja mes Partizanit dhe Teutës për javën e 12 të Superiores, është e rëndësisë së veçantë për pjesën e sipërme të klasifikimit. Të kuqtë duan me çdo kusht të ruajnë vendin e parë dhe u duhet një rezultat pozitiv për të kapërcyer përsëri Vllazninë në renditje.
Ndërsa për durrsakët, një fitore do të sillte një tjetër afrim me katërshen e parë, që mbetet objektivi i këtij sezoni për ekipin e drejtuar nga Edi Martini.
Presidenti i Partizanit, Gazment Demi ka arritur shifrën e 500 ndeshjeve në krye të klubit të kuq. Fanella simbolike me numrin 500 i është dhuruar përpara takimit Partizani-Teuta nga presidenti i durrsakëve, Edmond Hasanbelliu.