Dinamo është duke mbyllur përgatitjet e fundit për startin e kampionatit ku do të presin Tiranën në Elbasan, të dielën në orën 20:00. Nën drejtimin e tranerit Di Biagio, skuadra është stërvitur e plotë pa mungesa nga dëmtimet, megjithatë, në organikë ka ende nevojë për 1 apo 2 elementë të rinj.
Drejtuesit kanë siguruar shërbimet e mesfushorit Bakary Goudiaby, i cili edhe është federuar në FSHF dhe pritet të zyrtarizohet shumë shpejt, raporton shtypi i shkruar. Senegalezi i lindur në vitin 2002 do të jetë një përforcim për të tashmen dhe të ardhmen në qendrën e mesfushës.
Deri në fund të merkatos Dinamo pritet të bëjë edhe të paktën 1 apo 2 afrime të tjera në repartin e mbrojtes ose të mesfushës ndërsa ai ofensiv duket i kompletuar.