Derbi i kryeqytetit dhuroi emocionet e zakonshme, me tension, raste dhe gola që mbajtën tifozët në ankth deri në fishkëllimën e fundit. Dinamo doli fituese me rezultatin 1-2, duke rrëmbyer tri pikë të çmuara dhe duke lënë Tiranën në presion të madh. Pjesa e parë nisi me një ritëm të lartë, ku Tirana tentoi të marrë kontrollin e lojës, megjithatë ishin dinamovitët të cilët kaluan në avantazh me Giudiaby në minutën e 24′.
Në pjesën e dytë loja u bë edhe më e ashpër, me duele të forta dhe raste në të dy portat. Dinamo tregoi më shumë cinizëm dhe arriti të shënonte në minutën e 53′. Goli i dytë u mendua se do të rrëzonte psikologjikisht Tiranën, por bardheblutë reaguan me Patsatsia i cili u tregua i saktë nga pika e bardhë e penalltisë, realizim që erdhi në të 57-tën minutë.
Deri në fund, Tirana tentoi me çdo mënyrë të shmangte humbjen, por portieri i Dinamos ishte protagonist me disa pritje vendimtare. Me këtë rezultat, Dinamo tregon forcë dhe ambicie, ndërsa Tirana mbetet me shumë pikëpyetje për vazhdimësinë.