66
Një situatë e tensionuar ka shoqëruar gjysmëfinalen e parë të Kupës së Kosovës mes Ballkanit dhe Dukagjinit. Takimi përfundoi me humbjen e thellë 3-0 për Ballkanin, me golat e shënuar nga Hekuran Berisha dhe Mërgim Pefqeli që në pjesën e parë.
Por drama nuk u kufizua vetëm në fushë. Sipas raportimeve nga “Kanal10”, në dhomat e zhveshjes shpërtheu një debat i ashpër mes drejtuesve dhe lojtarëve të Ballkanit, për shkak të paraqitjes zhgënjyese.
Në këtë situatë të tensionuar, Marsel Ismajlgeci ish-lojtari i Tiranës refuzoi të rikthehej në fushë për pjesën e dytë, duke shmangur gjithashtu një përplasje të mundshme fizike me drejtuesit e klubit.