Kombëtarja e Shqipërisë ka humbur 2 me 1 ndeshjen e parë në Euro 2024 kundër Italisë. Gjithçka u vendos në pjesën e parë. Ishte Bajrami që tundi rrjetën për Shqipërinë pas 23 sekondave lojë. Goli i tij është dhe më i shpejti në historinë e Europianëve të zhvilluar.
Italia reagoi shpejt, pasi përmbysi me golat e Bastonit dhe Barellas. Minuta e 11’ dhe 16’ hodhi poshtë golin e Bajramit. Në pjesën e dytë duhet përmendur rasti i Rey Manaj-t në minutën e fundit të ndeshjes, por tentativa e sulmuesit u ndal nga Donnarumma, me topin që mund të kishte përfunduar në rrjet.