Fulham ka arritur një fitore befasuese 2-1 ndaj Manchester United, por Armando Broja sërish e ndoqi ndeshjen të gjithën nga stoli. Trajneri i Fulham Marco Silva kishte zgjedhur që të luante me Muniz nga minuta e parë. Menjëherë pas nisjes së pjesës së dytë, Broja do të dilte në nxehje.
Për rreth 40 minuta sulmuesi shqiptar ishte në nxehje, derisa tekniku portugez e urdhëroi që të rikthehej në stol pasi nuk kishte ndërmend që ta fuste në fushë, pasi bëri zëvendësimin e 3 në minutën e 81.