Vrasësi serial britanik, Peter Sutcliffe, ka vdekur në spital në moshën 74-vjeçare pasi kishte kontraktuar coronavirusin, tha të premten Ministria e Drejtësisë në Mbretërinë e Bashkuar.
Sipas CNN, përcjell Telegrafi, i njohur me nofkën “Ripper Yorkshire” nga shtypi britanik, Sutcliffe u dënua në vitin 1981 për vrasjen e 13 grave si dhe për tentim-vrasjen e shtatë grave të tjera gjatë viteve 70-ta në të gjithë Veriun e Anglisë.
“Ripper Yorkshire” ishte dënuar asokohe me burgim të përjetshëm.
Bëhet e ditur se ai kishte vuajtur edhe nga sëmundjet shoqëruese para se të dilte pozitiv me COVID-19, por Shërbimi i Burgut nuk mund ta konfirmonte shkakun e vdekjes pasi që “me të drejtë është çështje e mjekut ligjor”.
