111
Besa është një nga skuadrat më të lëvizshme këtë merkato. Kavajasit po zhvillojnë një dritare transferimi të nxehtë me emra të bujshëm që e bëjnë atë ‘mbretëreshën e merkatos’ deri më tani në Kategorinë e Parë.
Emra si Jurgen Goxhaj, Mentor Mazrekaj, Donald Mëllugja, Indio Oliveira e shumë të tjerë i vendosin kavajasit si pretendentë për titullin kampion dhe ngjitjen në Superiore. Por, duket se drejtuesit nuk kanë ndërmend të ndalen me kaq.
Afrimi i rradhës është në repartin ofensiv dhe vjen nga kampionët e Shqipërisë, Egnatia teksa kanë huazuar Juozas Lubas për një sezon. Sulmuesi 22-vjeçar do të vihet nën urdhërat e Mirel Josës në stërvitje dhe do të jetë një përforcim për krahët e sulmit.
