Ka mbetur vetëm një javë deri në finalen e madhe më 18 shkurt në Big Brother VIP. Dhe në një spektakël gjigand do të shpallet fituesi i cili do të marrë plot 100 mijë euro.
Por fansat të mësuar prej 4 muajsh me këtë reality show bëjnë pyetjen e shumëpritur, çfarë do të ndodhë pas këtij programi?
Teksa po bënte një bashkëbisedim me ndjekësit në llogarinë e saj në Instagram, Arbana Osmani u pyet se çfarë do të shohin pas Big Brother Vip dhe ajo tha emrin e filmit të cilin po e drejton i dashuri i saj.
Filmi quhet “Sofia” dhe vjen së shpejti në kinema. “Një film shumë të bukur në kinema që mezi pres ta shihni të gjithë” i është përgjigjur Arbana.
