Klubi i Besës ka bërë një tjetër lëvizje të rëndësishme në merkato, duke afruar një lojtar i cili ka treguar edhe në sezonin e kaluar vlerat e tij në futbollin tonë. Evans Aneni, mesfushori nigerian i cili ishte pjesë e Vorës në sezonin e kaluar, tashmë u është bashkuar kavajasve.
Futbollisti luajti 28 ndeshje në kampionatin e kaluar me Vorën duke qenë protagonist i ngjitjes së kësaj skuadre në Superiore. Por në fund palët ndërprenë marrëveshjen dhe Aneni ishte në kërkim të një ekipi tjetër, duke zgjedhur tanimë Besën për aventurën e re në futbollin tonë.
NJOFTIMI I BESËS
Ju njoftojmë se kemi arritur marrëveshje me mesfushorin Evans Aneni , i cili bashkohet me ne për aventurën e re në futbollin shqiptar Aneni vjen pas aventurës me Vorën në Kategorinë e Parë dhe pritet të jetë një vlere e shtuar për ekipin tonë.