AF Elbasani vazhdon të jetë aktiv në merkato. Pas qendërmbrojtësit,Bruno Lulaj,ekipi i sapongjitur në Superiore ka bindur futbollistin e Kombëtares së Moldavisë, Cristian Dros dhe Emiljano Mustën.
Dros ka luajtur 15 takime me përfaqësuesen e Moldavisë, ndërsa më herët ka luajtur me të gjitha kombëtaret e moshave të vendit të tij. 26- vjeçari është një mesfushor difensiv, i cili mund të luajë në rast nevoje edhe në prapavijë. Së fundmi, ai ka qenë pjesë e ekipit të Slavias në Premier Ligën e Bjellorusisë.
Edhe krahu i majtë i mbrojtjes mund të cilësohet si i zgjidhur,pas shumë bisedimeve me lojtarë të ndryshëm,drejtuesit kanë zgjedhur Emiljano Mustën.Një lojtar me mjaft eksperiencë në futbollin shqiptar i cili kthehet në futbollin e luajtur pas gjysmë sezoni pauze, për shkak se ishte në Angli për arsye familjare.