Partizani prej ditësh vazhdon përgatitjet për sfidën e kthimi me Bate Borisov, takim që do të luhet më 18 korrik në orën 20:00. Kjo përballje është e vlefshme për turin e parë kualifikues të Champions League, me demat që do të synojnë kualifikimin pas barazimit 1-1 në sfidën e parë në “Air Albania”.
Por Zoran Zekic është bërë me “dhimbje koke” pasi Eros Grezda ka mbetur i dëmtuar gjatë një dueli me Cristian Mba. Sulmuesi ka pësuar një goditje në kavilje. Tashmë sfida me bate Borisov vihet në rrezik.
Ditën e sotme lojtari do iu nënshtrohet vizitave mjekësore për të mësuar edhe shkallën e dëmtimit, me stafin që qëndron në ankth për përgjigjet e anazilave.