Dean Liço nuk do të jetë më lojtar i Skënderbeut për sezonin e ri. Korçaret kanë arritur marrëveshjen për shitjen e kapitenit në Turqi.
Fantazisti do të vazhdojë karrierën te skuadra e Igdir FK, e cila militon në kategorinë e dytë turke. Mungon vetëm zyrtarizimi i kësaj marrëveshjeje. Prezantimi i lojtarit në Turqi është çështje ditësh, teksa janë zbuluar edhe prapaskenat e këtij transferimi.
Nga kjo shitje Skënderbeu përmirëson financat, ku 250 mijë euro shkojnë në arkat e korçarëve. Gjithashtu drejtuesit e klubit kanë mbajtur edhe 15% të kartonit të kapitenit, ku do të përfitojnë sërish nëse klubi turk do ta rishesë Liçon. Ky i fundit largohet nga “Ujqërit e Dëborës” pas 2 sezonesh dhe nis kështu një aventurë të re në karrierën e tij.