Ish-ministri i Drejtësisë Ylli Manjani shprehet se Lulzim Basha nuk i ka mbledhur 7000 anëtarët e Kuvendit herën e fundit. Ai tha se Pallati i Kongreseve maksimumi 3000 persona mban.
Deklarata e Manjanit:
“Ore vërtetë, ku i mblodhi 7000 anëtarët e Kuvendit herën e fundit Luli?!
Se nuk ka sallë që nxë 7000 vetë. Pallati i Kongreseve maksimumi 3000 persona mban.
7000 vetë i mbledh o në shesh të hapur ose në stadium. Askund tjetër.
Atëhere me ç’llogjikë ndërton një forum me kaq shumë anëtarë kur nuk garanton se ku ti mbledhësh?!
Fundja e lemë edhe këtë llogjikë mënjanë. Ku i mblodhi Luli në Korrik?!
Apo e kishte mbledhje fake(fallco)?!
Mesiguri fake ka qenë sepse ska mundësi teknikisht të mbledhësh 7000 vetë në Pallat të Kongreseve.
Si gjithmonë xhanëm, fake në çdo gjë…”, shkruan Manjani.