Xhuliano Skuka i ka dhënë fund aventurës me portugezët e Penafiel teksa së fundmi është transferuar te skuadra rumune e Poli Iasit që renditet në vendin e parafundit në kampionat dhe lufton për mbijetesë.
26-vjeçari duket se ka zgjidhur kontratën e tij përfundimisht me francezët e Metz, duke u transferuar si lojtar i lirë te skuadra rumune.
Futbollisti dibran do të kërkojë të ringrihet pas momentit të vështirë që ka kaluar në sezonet e fundit. Me Penafielin në Ligën e Dytë portugeze, Skuka u aktivizua 7 ndeshje në kampionat, dhe 1 në Kupë, ku gjeti edhe 1 herë rrugën e rrjetës.
TRANSFERIMI NGA PARTIZANI TE METZ
Transferimi i Xhuliano Skuka, sulmuesitështë arritur për një shifër rekord për klubin kryeqytetas. Skuka, i ardhur nga Dinamo, u bë menjëherë një lojtar i rëndësishëm për Partizanin. Tekniku i atëhershëm i Partizanit, Dritan Mehmeti, insistoi për ta patur në skuadër. Një njohje me sulmuesin dibran, që datonte që nga kohët kur tekniku drejtonte Korabin. Edhe me Colella gjërat nuk ndryshuan, madje Skuka u bë pika e referimit. Të kuqtë duhet të kenë siguruar 1 milionë euro nga ai transferim. Me punën dhe dedikimin e tij ai realizoi gola deçizivë dhe performanca shumë pozitive, duke u kthyer në një prej idhujve të tifozerisë së kuqe. Skuka arriti njëkohësisht të jetë edhe pjesë e ekipit tonë Kombëtar
Comments are closed
Add Comment