Xhuliano Skuka është shfaqur protagonist në ndeshjen që ekipi i tij Poli Iasi, po luan në transfertë përballë Gloria Buzau. Sfida e vlefshme për raundin e katërt të grupi “play-out” të Superligës rumune është momentalisht 0-1.
Ishte pikërisht Xhuliano Skuka ai që gjeti rrugën e rrjetës, pas vetëm dy minutave lojë. Pas një topi të gabuar nga mbrojtësi kundërshtar, ish-i i Partizanit përfitoi dhe shënoi një gol fantastik me parabël, duke lënë të shtangur portierin.
Kujtojmë që kjo është ndeshja e tetë për sulmuesin dibran me fanellën e Poli Iasi. Ky është goli i dytë që Skuka shënon, duke treguar që nga ndeshja në ndeshje po përshtatet mjaft mirë.
NGA PENAFIEL TE POLI IASI
Xhuliano Skuka i dha fund aventurës me portugezët e Penafiel teksa së fundmi është transferuar te skuadra rumune e Poli Iasit që renditet në vendin e parafundit në kampionat dhe lufton për mbijetesë. 26-vjeçari zgjidhi kontratën e tij përfundimisht me francezët e Metz, duke u transferuar si lojtar i lirë te skuadra rumune. Futbollisti dibran do të kërkojë të ringrihet pas momentit të vështirë që ka kaluar në sezonet e fundit. Me Penafielin në Ligën e Dytë portugeze, Skuka u aktivizua 7 ndeshje në kampionat, dhe 1 në Kupë, ku gjeti edhe 1 herë rrugën e rrjetës.
Transferimi i Xhuliano Skuka, sulmuesitështë arritur për një shifër rekord për klubin kryeqytetas. Skuka, i ardhur nga Dinamo, u bë menjëherë një lojtar i rëndësishëm për Partizanin. Tekniku i atëhershëm i Partizanit, Dritan Mehmeti, insistoi për ta patur në skuadër.