Vllaznia ka dorëzuar në UEFA listën me emrat e lojtarëve të cilët do të jenë pjesë e skuadrës për turin e parë në Conference League ndaj letonezëve të Daugavspils.
Shkodranët kanë dorëzuar një listë të mbushur kryesisht me lojtarë me tipare mbrojtëse, të përforcuar edhe me afrimet apo huazimet e kryera gjatë verës me emra si Hakaj, Kruja, Kuros, Gjini e Jazxhi.
Ndërkohë, alternativat në repartin e avancuar apo në fazën ofensive duken minimale, të paktën në këtë tur të parë të kompeticionit ndërkombëtar, pasi te Vllaznia presin përforcime të tjera nëse ia dalin të kalojnë në turin tjetër.