Gresild Lika, e ka mbyllur aventurën me Skënderbeut. Sulmuesi është në fund kontratë dhe palët kanë vendosur të mos rinovojnë. Hapësirat për Likën në Superiore ishin të pakta dhe për këtë arsye, nuk është zgjatur bashkëpunimi. Sulmuesi ka dalë lojtar i lirë në merkato dhe është në kërkim të një skuadre të re.
26-vjeçari u bashkua me bardhekuqtë në verën e vitit 2022 dhe në Kategorinë e Parë, ishte një nga më të spikaturit. Megjithatë, situata në Superiore, ishte ndryshe, aty ku lojtari kishte pak hapësira. Vetëm 525 minuta për sulmuesin duke shënuar vetëm një gol në takimin kundër Kukësit përfunduar me rezultatin 2-2.
