Klodian Arbëri jep dorëheqjen si trajner i Tomorit. Barazimi ndaj Besës nuk është përjetuar mirë nga tekniku, që si duket edhe objektivi Superiore duket shumë larg.
“Prej kohësh e mendoja dorëheqjen. Kisha stres dhe doja t’i përkushtohesha familjes. Do të jem gjithnjë pranë skuadrës sime të zemrës, por një ditë do të kthehem. Më vjen shumë keq që nuk arritëm të fitonim këtë përballje, pasi skuadra dha maksimumin nga fillimi deri në fund. Gjej rastin të falënderoj në mënyrë të veçantë për mbështetjen, fillimisht kryetarin e bashkisë Ervin Demo, që së bashku me tifozërinë e mrekullueshme të Tomorit më kanë dhënë një suport të jashtëzakonshëm.”
Tomori ndodhet në vendin e 7-të në kuotën e 10 pikëve, me skuadrën që nuk fiton prej 4 ndeshjesh radhazi.