330
E mbështjellë vetëm me një batanije. Kështu është gjetur foshnja e braktisur në garazhin e një pallati në Yzberisht. Kanë qenë banorët ata që kanë dëgjuar të qarat dhe kanë parë foshnjën e braktisur. Menjëherë është njoftuar policia dhe blutë e Tiranës, e kanë marrë foshnjën dhe e kanë dërguar në spital.
Ndëkohë kanë nisur hetimet për identifikimin e personit që e ka braktisur fëmijën.
Policia, njoftoi më herët:
Më datë 08.11.2023, në bodrumin e një pallati në Yzberisht, është gjetur e braktisur një foshnjë e sapolindur.
Shërbimet e Policisë i kanë ofruar menjëherë ndihmën e parë foshnjës, e cila është transportuar me automjetin e Policisë, së bashku me stafin mjekësor, në spital. Grupi hetimor po punon për sqarimin e rrethanave të ngjarjes.