Tirana po numëron ditët e fundit para nisjes së sezonit të ri, por në kampin bardheblu nuk mungojnë shqetësimet. Trajneri Vangjel Mile po përballet me mungesa të shumta, ku disa janë për shkak dëmtimesh dhe disa për arsye personale.
Mbrojtësi Edison Kola pësoi një dëmtim në gju në takimin miqësor kundër Panserraikos dhe dëmtimi ka rezultuar më i rëndë seç pritej sepse futbollisti ka humbur sezonin.Kola nuk u pa as në stërvitjen e fundit dhe aktualisht po ndjek një program të posaçëm rehabilitimi.
Pavarësisht problemeve, te Tirana mbizotëron besimi se ekipi do të jetë i gatshëm për të luftuar që në ndeshjen e parë. Stafi mjekësor po punon me orë të zgjatura për të rikuperuar lojtarët e dëmtuar, ndërsa grupi tjetër po përgatitet për të dhënë maksimumin. Tifozët bardheblu presin që ekipi të shfaqë forcën dhe karakterin e tij, pavarësisht pengesave të momentit.