Dëmtimet janë kryefjala në kampin bardheblu. Tirana po kalon një periudhë të vështirë, pasi disa nga lojtarët më të rëndësishëm të ekipit kanë hasur probleme fizike që mund të ndikojnë në performancën e ekipit në ndeshjet e ardhshme. Aktualisht, pesë futbollistë kyç, Meta, Dembele, Gjumsi, Kola dhe Ismajli, ndodhen jashtë për shkak të dëmtimeve, duke u bërë sfidë për trajnerin dhe stafin teknik për të ruajtur ritmin dhe balancën në ekip.
Për Metën dhe Ismajlin gjendja paraqitet ndryshe. Dy lojtarët në seancën e fundit stërvitore kanë nisur vrapimet dhe i janë bashkuar skuadrës. Me shumë gjasa, dy lojtarët do të jenë ndaj Flamurtarit, edhe pse nuk i premtohen minuta. Megjithatë, Tirana mbetet optimiste. Me trajtimin e duhur dhe rikthimin gradual të lojtarëve kyç, ekipi pritet të rifitojë formën e tij më të mirë.