Mesfushori Kleandro Lleshi nuk është më pjesë e Tiranës. Lajmi është bërë publik nga vetë lojtari përmes një postimi në rrjetet sociale, ku ka falënderuar klubin me fjalët: “Faleminderit KF Tirana!”.
Kujtojmë se 26-vjeçari kishte hapur një çështje ligjore ndaj bardhebluve për shkak të pesë pagave të prapambetura. Rasti ndodhet aktualisht në shqyrtim pranë Federata Shqiptare e Futbollit, konkretisht në Dhomën Kombëtare të Zgjidhjes së Konflikteve, pasi më herët përfaqësuesit e lojtarit kishin njoftuar zyrtarisht klubin.Gjithçka lë të kuptohet se kontrata mes palëve është ndërprerë për shkak të detyrimeve financiare të papaguara.
Ndërkohë, Tirana ndodhet në një moment delikat në kampionat, duke u renditur në vendin e 9-të me 27 pikë dhe duke rrezikuar seriozisht mbijetesën në Kategorinë Superiore nëse nuk arrin rezultate pozitive në ndeshjet e mbetura.