Largimi i Eros Grezdës nga skuadra e Partizanit ishte disi e pritshme nga ana e tifozërisë së kuqe. Dje, kampionët e Shqipërisë zyrtarizuan “divorcin” me futbollistin dhe tashmë ai është një lojtar i lirë. Dëmtimet e shumta e përndoqën edhe tek të kuqtë. E për këtë erdhi edhe largimi i parakohshëm.
Grezda dhe presidenti Gaz Demi kanë pasur një pakt me njëri-tjetrin, që t’i shërbejnë klubit dhe vetes. Në kushtet kur dëmtimet ishin të njëpasnjëshme, lojtari kërkoi largimin për t’iu mos iu bërë “barrë” kryeqytetasve.
“Sapo u riktheva nga demtimi i gjatë, mora një tjetër dëmtim të papritur në thembër. Duke qenë se fusha e stadiumit të Partizanit ka një bar sintetik të fortë, theva muskujt dhe kockat e thembrës dhe më duhet të qendroj sërish për një kohë të gjatë larg fushave. Për të mos i’u bërë barrë klubit fola me presidentin për të ndërprerë kontratën.”