Sulmuesi i Kukësit Sebastian La Torre nuk po kalon një moment të mirë brenda fushe. Drejtuesit nuk e kanë më në planet e tyre sulmuesin nga Peruja, por në orët e fundit, vetë lojtari ka bërë të ditur në rrjetin e tij social Instagram se mamaja e tij po vuan nga një sëmundje e rëndë dhe futbollisti i kërkon asaj të presë për rikthimin e tij në vendlindje.
POSTIMI I FUTBOLLISTIT
“Mami, unë e di që ti je e fortë dhe ne do të dalim nga kjo situatë e komplikuar që ti po kalon. Prit dhe pak, mos më braktis si gjyshja. Ti ia ke dalë një herë të mposhtësh këtë sëmundje të rëndë dhe unë e di që do ta bësh përsëri. Ti e di që sa po vuaj që të jem me ty. Të lutem mos më braktis, mami më prit!”
