Lajmet e fundit | Klikoje.al

Tag: vullnetari

  • Ndërron jetë vullnetari nga Brazili që ishte pjesë e testimit të vaksinës kundër coronavirusit

    Ndërron jetë vullnetari nga Brazili që ishte pjesë e testimit të vaksinës kundër coronavirusit

    Një vullnetar nga Brazili që kishte marrë pjesë në testimin e vaksinës së Oksfordit kundër coronavirusit, ka ndërruar jetë, shkruan BBC.

    Agjencia Rregullatore e Shëndetësisë Aniva, ka njoftuar se 28-vjeçari ka ndërruar jetë si rezultat i një komplikimi të shkaktuar nga COVID-19, transmeton Telegrafi.

    Nuk dihet nëse vullnetari kishte marrë vaksinën apo placebën. Në anën tjetër Universiteti i Oksfordit së bashku me gjigantin farmaceutik bashkëpunim mes britanikëve dhe suedezëve Astra Zeneca, ka njoftuar se është duke punuar në zhvillimin e vaksinës kundër COVID-19.

    loading…

    Testet klinike në Brazil, Britani të Madhe, Indi dhe Afrikën e Jugut aktualisht janë në fazën e tretë të testimit. E së fundmi ajo është ndërprerë në Evropë dhe SHBA, për shkak të dy rasteve me sëmundje neurologjike që janë shfaqur tek dy vullnetarë që po marrin pjesë në testime.

    Kompania AstraZeneca deri më tani nuk ka komentuar rastin e brazilianit të vdekur, që ishte pjesë e grupit të vullnetarëve në testimin e vaksinës anti-COVID.

    Burimi: Telegrafi

  • Shkoi për të testuar vaksinën e Covid-19, vullnetari shtrohet me urgjencë në spital/ Ja ç’do të ndodhë me kompaninë që e prodhoi

    Shkoi për të testuar vaksinën e Covid-19, vullnetari shtrohet me urgjencë në spital/ Ja ç’do të ndodhë me kompaninë që e prodhoi

    Studimet mbi vaksinën e koronavirusit në Universitetin e Oksfordit janë ndaluar, sepse një vullnetar u dërgua me urgjencë në spital, pasi dyshohet se pati ënjtje në shtyllën kurrizore.

    Sipas “Daily Mail”, gjiganti britanik i ilaçeve “AstraZeneca”, i cili zotëron të drejtat për vaksinën, njoftoi mbrëmë se të gjitha studimet ishin ndaluar për një kohë të pacaktuar, ndërkohë që po hetohet nëse efekti anësor i pacientit është i lidhur me vaksinën e Covid-19.

    Kjo do të thotë se askush tjetër nuk do të jetë në gjendje ta testojë vaksinën derisa të përfundojë hetimi.
    Vullnetari kishte pësuar një dëmtim serioz, edhe pse është ende e paqartë se ç’reagim shkakton vaksina e krijuar nga kjo kompani.

    “New York Times” citoi një burim që pretendonte se pacienti kishte një inflamacion të palcës kurrizore që mund të shkaktojë paralizë të përhershme tek disa pacientë.
    Çrregullimi mund të shkaktohet nga një sërë shkaqesh duke nisur që nga përgjigjet inflamatore të trupit e deri tek infeksionet virale.

    Kjo situatë është shumë shqetësuese, sepse kompania madje ishte mbështetur edhe nga “Organizata Botërore e Shëndetësisë” në krijimin e vaksinën kundër koronavirusit.
    Vaksina po testohet tek mijëra njerëz në Britani dhe në SHBA, si dhe tek disa grupe të vogla në Brazil dhe në Amerikën e Jugut.

    Një zëdhënëse e “AstraZeneca” tha: “Ne po punojmë për të përshpejtuar rishikimin e kësaj ngjarjeje të vetme për të minimizuar çdo ndikim të mundshëm në kronologjinë e testimit. Jemi të përkushtuar ndaj sigurisë së pjesëmarrësve dhe ndaj standardeve më të larta të sjelljes gjatë testimeve që bëjmë”.
    Megjithatë, nuk u dha asnjë detaj në lidhje me pacientin që po vuan efektin anësor dhe as për natyrën e reagimit të tij.