Lajmet e fundit | Klikoje.al

Tag: arrestohen

  • Arrestohen dy persona në liqenin e Pogradecit/ Po transportonin 38 kg kanabis me skaf drejt Maqedonisë së Veriut

    Arrestohen dy persona në liqenin e Pogradecit/ Po transportonin 38 kg kanabis me skaf drejt Maqedonisë së Veriut

    Dy persona u arrestuan nga policia e Pogradecit pasi u kapën duke transportuar me skaf 38 kg kanabis me destinacion Maqedonin e Veriut.

    Policia njofton se në pranga kanë rënë shtetasit me iniciale O.S. 31 vjeç dhe K.D. 22 vjeç banues në fshatin Hudënisht.

    Në kërkim është shpallur 20-vjeçari me iniciale L.Sh. ndërsa është proceduar penalisht dhe një 31-vjeçare për moskallëzim krimi.

    “Në bazë të informacioneve të siguruara gjatë periudhës hetimore, si edhe gjatë kontrollit të ushtruar nga shërbimet e Stacionit të Policisë Kufitare Tushemisht dhe Komisariatit të Policisë Pogradec, në liqenin e Pogradecit, u konstatua një mjet lundrues tip skaf, me të cilin autorët e dyshuar, po trafikonin drejt Maqedonisë së Veriut, një sasi prej 38 kg lëndë të dyshuar narkotike kanabis, e cila u sekuestrua në cilësinë e provës materiale së bashku me skafin, një gomone, një automjet tip “Benz”, si edhe sende të tjera që​ kanë ndihmuar për kryerjen e kësaj veprimtarie kriminale” – thuhet në njoftimin e policisë.

    Njoftimi i policisë:

    Vijon operacioni policor i koduar “Hudënishti”. Operacioni i zhvilluar pas një hetimi 4-mujor, si rezultat i bashkëpunimit midis Komisariatit të Policisë Pogradec, Stacionit të Policisë Kufitare Tushemisht, nën drejtimin e Prokurorisë së Rrethit, për parandalimin dhe goditjen e veprimtarisë kriminale të trafikimit të narkotikëve.

    Shkon në 4 numri i të arrestuarve, 4 i atyre të shpallur në kërkim dhe 1 i proceduar penalisht. Sekuestrohen 38 kilogramë të tjera lëndë e dyshuar narkotike kanabis, e ndarë në pako, sasi e destinuar për t’u trafikuar jashtë vendit.

    Në vijim të operacionit policor të koduar “Hudënishti”, për parandalimin dhe goditjen e veprimtarisë kriminale të trafikimit të narkotikëve, të finalizuar më datë 07.08.2021, si rezultat i të cilit u arrestuan në flagrancë 2 shtetas, 3 të tjerë u shpallën në kërkim dhe u sekuestruan në cilësinë e provës materiale 23 kg lëndë e dyshuar narkotike kanabis, sasi e cila do të trafikohej jashtë vendit, ka vijuar puna me hetime të thelluara për kapjen e personave të tjerë të implikuar në këtë veprimtari kriminale.

    Si rezultat i punës së mirëorganizuar nga strukturat e lartpërmendura, u bë e mundur ndalimi i shtetasve O. S., 31 vjeç, banues në Pogradec, K. D., 22 vjeç, banues në fshatin Hudënisht, Pogradec, u shpall në kërkim shtetasi L. Sh., 20 vjeç banues në Hudënisht dhe u procedua penalisht për​ veprën penale “Moskallëzimi i krimit” shtetasja E. H., 31 vjeçe, banuese në Pogradec.

    Në bazë të informacioneve të siguruara gjatë periudhës hetimore, si edhe gjatë kontrollit të ushtruar nga shërbimet e Stacionit të Policisë Kufitare Tushemisht dhe Komisariatit të Policisë Pogradec, në liqenin e Pogradecit, u konstatua një mjet lundrues tip skaf, me të cilin autorët e dyshuar, po trafikonin drejt Maqedonisë së Veriut, një sasi prej 38 kg lëndë të dyshuar narkotike kanabis, e cila u sekuestrua në cilësinë e provës materiale së bashku me skafin, një gomone, një automjet tip “Benz”, si edhe sende të tjera që​ kanë ndihmuar për kryerjen e kësaj veprimtarie kriminale.

    Vijon puna për dokumentimin e plotë të ngjarjes, kapjen dhe vënien përpara përgjegjësisë ligjore të personave të tjerë të dyshuar si të implikuar në këtë veprimtari kriminale. Materialet për hetime të mëtejshme i kaluan Prokurorisë pranë Gjykatës së Shkallës së Parë Pogradec.

  • “Çmenden” burrat në Tiranë/ Katër të arrestuar brenda pak orësh për dhunë. Njëri rreh hallën, tjetri bën për spital një femër dhe…

    “Çmenden” burrat në Tiranë/ Katër të arrestuar brenda pak orësh për dhunë. Njëri rreh hallën, tjetri bën për spital një femër dhe…

    Policia e Tiranës ka vënë në pranga orët e fundit disa shtetas të akuzuar për dhunë ndaj grave. Në mesin e të arrestuarve është edhe një 31 vjeçar i cili ditën e martë, 31 gusht, ka dhunuar hallën e tij, në rrugë.

    Ndërsa një 43 vjeçar, u vu në pranga pesë ditë pasi kishte goditur me sende të forta shtetasen A. M. Ndërkohë që policia nuk e saktëson në njoftimin e saj lidhjen që ka autori me të dëmturën, thotë se ngjarja ka ndodhur për motive të dobëta.

    NJOFTIMI PER ARRESTIMET

    Nga specialistët për Hetimin e Krimit në Komisariatin e Policisë Nr.2 u bë arrestimi në flagrancë i shtetasit të shpallur në kërkim E. Z., 31 vjeç, sepse më datë 31.08.2021, në rrugën “Vëllezërit Manastirliu”, ka ushtruar dhunë fizike e psikologjike ndaj hallës së tij.

    Specialistët për Hetimin e Krimit në Komisariatin e Policisë Nr. 1 bënë ndalimin e shtetasit E. V., 43 vjeç, i shpallur në kërkim për veprën penale “Plagosje e rëndë me dashje” pasi me datë 27.08.2021, për motive të dobëta, ka goditur me sende të forta shtetasen A. M.

    Po nga specialistët për Hetimin e Krimit në Komisariatin e Policisë Nr.2 u bë arrestimi në flagrancë i shtetasit të shpallur në kërkim L. M., 37 vjeç, pasi ka përndjekur dhe ka ushtruar dhunë fizike dhe psikologjike ndaj ish-bashkëshortes së tij.

    Specialistët për Hetimin e Krimit në Komisariatin e Policisë Nr. 5 bënë ndalimin e shtetasit S. T., 37 vjeç, i dënuar më parë për veprën penale “Dhuna në familje”, sepse në banesë, sistematikisht ka ushtruar dhunë fizike dhe ka kanosur bashkëshorten e tij.

    Burimi: Panorama

  • Ish-kryeplaku dhe i biri në krye të grupit të trafikut të drogës/ Ja si bëhej shitja nga Korça në Fier

    Ish-kryeplaku dhe i biri në krye të grupit të trafikut të drogës/ Ja si bëhej shitja nga Korça në Fier

    Tre persona, dy prej të cilëve babë e bir, subjektë të OFL-së janë vënë në pranga me vendim të Gjykatës së Korçës, gjatë operacionit të koduar “Finish”.

    Gjykata e Korçës kishte vendosur “Arrest me burg” për ish-kryeplakun e Podgories, Arben Pilinçi, djalin e tij Orlind Pilinçi, si dhe shtetasin Erald Muçelli, nga fshati Vreshtas.

    Këta shtetas kanë qenë në përgjim dhe nën hetim nga Prokuroria në bashkëpunim me Drejtorinë e Policisë Korçë. Arrestimi i tyre lidhet me operacionin e datës 4 qershor 2020 në Elbasan, ku u kapën 28.5 kg lëndë narkotike kanabis dhe u arrestuan 3 shtetas, Teodor Beba, Ildi Dushku dhe Ylli Spaho.

    Pas hetimit, gjatë gjithë kësaj kohe, përveç 3 shtetasve të mësipërm u ndaluan edhe 3 të tjerë, të cilët ishin pjesë e transportit të drogës. Pjesa më e madhe e tyre janë të njohur për Policinë, me precedentë të mëparshëm penalë. Policia thotë se gjatë tri fazave që ka kaluar operacioni i koduar “Finish”, janë arrestuar 12 shtetas si dhe janë shpallur në kërkim dy të tjerë.

    Policia bën me dije se të arrestuarit janë: Arben Pilinçi, Olrind Pilinçi, Eraldo Muçelli, Kundret Hasbashaj, Ildi Dushku, Ylli Spaho, Gëzuim Greku, Redion Marra, Eltjon Mersala dhe Petrit Shkrela.

    Dyshohet se këta shtetas janë marrë me kultivimin dhe shitjen e lëndëve narkotike. “Në kuadër të tri fazave të operacionit është goditur një grup i strukturuar kriminal, i cili ushtronte aktivitetin e paligjshëm të prodhimit dhe shitjes së narkotikëve në qarqet Korçë dhe Fier.

    Në të tria fazat e operacionit janë arrestuar, ndaluar dhe proceduar penalisht 12 shtetas. Gjatë fazës së tretë dhe përfundimtare të këtij operacioni janë ndaluar 4 shtetas dhe janë shpallur në kërkim 2 të tjerë. Në kuadër të këtij operacioni janë sekuestruar në total 32,5 kg lëndë e dyshuar narkotike kanabis”, tha zyrtarisht Policia e Korçës.

    Nga ana e Sektorit për Hetimin e Krimeve në Drejtorinë Vendore të Policisë Korçë, nën drejtimin e Prokurorive të Rretheve Gjyqësore Korçë dhe Elbasan, në bashkëpunim me Drejtoritë Vendore të Policisë Fier dhe Elbasan, u përmbyll faza e tretë dhe përfundimtare e operacionit policor të koduar “Finish”, në kuadër të të cilit është bërë e mundur goditja e një grupi kriminal me aktivitet në fushën e prodhimit dhe shitjes së narkotikëve, në qarqet Korçë dhe Fier.

    Pas një hetimi dinamik prej një viti, në kuadër të procedimit penal të regjistruar pranë Prokurorisë së Rrethit Gjyqësor Korçë, në fazën e fundit të operacionit, strukturat hetimore të Drejtorisë Vendore të Policisë Korçë bënë ekzekutimin e masave të sigurimit “Arrest në burg”, për veprën penale “Prodhimi dhe shitja e narkotikëve” e kryer në bashkëpunim, caktuar nga Gjykata e Rrethit Gjyqësor Korçë, për 4 shtetas të arrestuar e 2 të shpallur në kërkim.

  • Sekuestrohet marijuanë në formë çokollate (FOTO)/ Dy të arrestuar. Si u zbulua droga në makinën “Porsche”, ndërsa një mjet tjetër…

    Sekuestrohet marijuanë në formë çokollate (FOTO)/ Dy të arrestuar. Si u zbulua droga në makinën “Porsche”, ndërsa një mjet tjetër…

    Një sasi prej rreth 30 kg marijuanë në formë çokollate është sekuestruar në Durrës. Sipas policisë, lënda narkotike ishte e ndarë në 77 pako, ndërsa në pranga u vu poseduesi i drogës dhe bashkëpunëtori i tij.

    Kështu në kuadër të operacionit policor të koduar “Kritikal“, u arrestua shtetasi E.B 42 vjeç nga Tirana dhe bashkëpunëtori i tij shtetasin me iniciale E.B.

    Po ashtu policia sekuestroi edhe 3600 euro, 2 automjete dhe 6 aparate celularë.

    “Shërbimet e Policisë, pas marrjes së informacionit, kanë ndaluar në vendin e quajtur “Mbikalimi i Plepave”, mjetin tip “Porsche”, me drejtues shtetasin E. B. Gjatë kontrollit në bagazhin e këtij mjeti u konstatuan 77 pako me lëndë narkotike të dyshuar marijuanë në formë çokollate, me peshë 30.640 kg.

    Gjithashtu, në momentin e kapjes në flagrancë të shtetasit E. B., shërbimet kanë ndjekur dhe kanë ndaluar mjetin tip “Audi”, me drejtues shtetasin F. C., i cili gjatë hetimeve ka rezultuar se ka bashkëpunuar me shtetasin E. B., duke e informuar atë për prezencën e shërbimeve të Policisë në rrugë.

    Në vijim të veprimeve, nga specialistët për Hetimin e Narkotikëve në DVP Durrës u arrestua në flagrancë edhe shtetasi F. C., 41 vjeç, banues në Tiranë”, sqaron policia.

    Nga hetimet ka rezultuar se sasia e lëndës narkotike të kapur nuk është prodhuar në Shqipëri, por është trafikuar nga një vend tjetër.

    Ndërkohë vijon puna për identifikimin dhe kapjen e personave të tjerë të përfshirë në këtë veprimtari kriminale. Ndërsa materialet i kaluan Prokurorisë së Rrethit Gjyqësor Durrës, për veprime të mëtejshme.

    Burimi: Panorama.al

  • Zbulohet sasi e mëdha droge në trungjet e pemëve/ Kjo lloj metode përdoret nga trafikantët për…

    Zbulohet sasi e mëdha droge në trungjet e pemëve/ Kjo lloj metode përdoret nga trafikantët për…

    Policia greke tha të shtunën se zbuloi sasi të mëdha marijuane të presuar të fshehur në trungjet e pemëve në kufirin greko – shqiptar, në zonën e Thesprotisë.

    Sipas policisë greke rreth 170 kilogramë marijuanë, ishin futur në 6 çanta udhëtimi që u gjetën në trungjet e pemëve dhe ruheshin në distancë nga një shtetas shqiptar, tashmë i arrestuar.

    Policia greke tha se në të njëjtin vend u gjendën edhe materiale paketimi, dylbi për shikimin në terren, ushqime etj, të cilat flasin se zona përdorej si një bazë për grumbulimin e marijuanës që hynte nga Shqipëria për ta transportuar më pas në thellësi të Greqisë.

    Kjo metodë përdoret nga trafikantë e lëndëve narkotike, të cilët, sipas hetimeve policore në të dy vendet, transferojnë me korrierë të vegjël drogën në kufi dhe më pas krijojnë baza në zonat kufitare greke ku magazinojnë sasitë e narkotikëve. Më pas ato transportohen me mjete të ndryshme transporti për në thellësi të territorit grek.

    Greqia është destinacioni i dytë i marijuanës që kultivohet në Shqipëri pas Italisë. Kufiri jugor shqiptar me Greqinë është në shënjestrën e trafikantëve të drogës dhe pas mbylljes së disa prej pikave kufitare trafikantët shfrytëzojnë kufirin e gjelbër për të transportuar drejt Greqisë lëndën narkotike.

    Shqipëria dhe Greqia nënshkruan fillimin e këtij viti një marrëveshje për funksionimin në Kakavijë të një qendre të përbashkët policore dhe doganore për të luftuar format e krimit ndërkufitar. Marrëveshja parashikon vendosjen e një trupe të përbashkët policore dhe doganore në mjediset e Qendrës në anën greke të pikës së Kakavijëst.

    Sipas marrëveshjes së përbashkët policia greke dhe ajo shqiptare do të realizojnë bashkarisht shkëmbimin dhe analizën e informacioneve që lidhen me forma të ndryshme të krimit në kufijtë e të dy vendeve, përfshirë trafikun e drogës.

    Burimi: Voa

  • Zbulohet grupi i të miturve që bënin namin me vjedhje/ Policia zbardhi 22 raste. Ja çfarë ndodhi me autorët

    Zbulohet grupi i të miturve që bënin namin me vjedhje/ Policia zbardhi 22 raste. Ja çfarë ndodhi me autorët

    Policia e Tiranës ka zbardhur 22 vjedhje të ndryshme në Tiranë, ndërsa janë proceduar 3 të mitur dhe një tjetër është shpallur në kërkim.

    Sipas policisë, u proceduan në gjendje të lirë shtetasit e mitur me iniciale F. M., 14 vjeç, E. K., 13 vjeç, E. P., 17 vjeç, si dhe kanë shpallur në kërkim shtetasin K. S.,  pasi nga veprimet hetimore ka rezultuar se janë autorë të 22 rasteve të ndryshme të vjedhjes dhe tentativës për vjedhje në qarkun e Tiranës.

    “Këta shtetas, në bashkëpunim me njëri-tjetrin, gjatë vitit 2020 dhe javëve të para të këtij viti, kanë vjedhur biçikletat e 5 shtetasve, produkte të ndryshme dhe shuma parash në markete dhe ambiente të tjera në qytetin e Tiranës”, thotë policia.

    Po ashtu janë arrestuar në flagrancë 3 shtetas, për vepra të ndryshme penale.

    Në pranga u vu një 34-vjeçar me iniciale M.Z pasi në Rrugën e Kosovarëve, gjatë kontrollit fizik iu gjet një sasi me lëndë narkotike heroinë, e cila u sekuestrua në cilësinë e provës materiale .

    Ndërsa dy persona të tjerë u arrestuan për drejtim mjeti pa patentë dhe në gjendje të dehur.

    Burimi: Panorama.al

  • Sherr mes dy personave në Babrru, nxirret arma/ Kur ndërhyn policia zbulohet se…

    Sherr mes dy personave në Babrru, nxirret arma/ Kur ndërhyn policia zbulohet se…

    Një 39-vjeçar ra në prangat e Policisë së Tiranës pas denoncimit për të se kërcënoi një person pas sherrit që ndodhi mes tyre. Ngjarja ka ndodhur në Babrru dhe sipas policisë, shtetasi me inicialet S. T. ka kanosur me armë zjarri pistoletë shtetasin P. Ll.

    Specialistët për Hetimin e Krimit në Komisariatin e Policisë Nr. 5 bënë arrestimin në flagrancë të 39-vjeçarit dhe gjatë kontrollit për gjetjen e armës nga veprimet hetimore rezultoi se arma e zjarrit është marrë dhe fshehur nga shtetasi A. K., i pranishëm në vendngjarje, i cili është shpallur në kërkim dhe po punohet për kapjen e tij.

    Forcat e posaçme “Shqiponjat”, arrestuan në flagrancë shtetasi E. S., 38 vjeç, pasi në rrugën “Jordan Misja”, gjatë kontrollit të ushtruar në mjetin me të cilin po qarkullonte, u gjet dhe u sekuestrua një sasi lënde narkotike e dyshuar cannabis sativa.

    Po nga specialistët për Hetimin e Narkotikëve u bë arrestimi në flagrancë i shtetasit D. Sh., 19 vjeç, pasi gjatë kontrollit fizik iu gjetën dhe u sekuestruan një sasi dozash me lëndë narkotike e dyshuar cannabis sativa.

    Ndërsa specialistët në Komisariatin e Policisë Nr. 6 arrestuan në flagrancë shtetasin e mitur me iniciale K. V., 17 vjeç, për veprën penale “Vjedhja”.

    Materialet i kaluan Prokurorisë së Rrethit Gjyqësor Tiranë, për veprime të mëtejshme.

    Burimi: Panorama.al

  • “Do i shisnin për 16 mijë euro”/ Operacioni që vuri në pranga dy persona, policia kontrolle në lokal e banesa. Ja çfarë u zbulua

    “Do i shisnin për 16 mijë euro”/ Operacioni që vuri në pranga dy persona, policia kontrolle në lokal e banesa. Ja çfarë u zbulua

    Policia e Shkodrës ka arrestuar dy persona dhe ka sekuestruar rreth 4000 fara kanabis dhe 140 doza me lëndë narkotike.

    “Në bazë të informacioneve të marra në rrugë operative dhe pas një pune të mirë organizuar, u bë i mundur finalizimi i operacionit “Gruda” ku u arrestuan shtetasit: J. M., 43 vjeç dhe K. K. , 25 vjeç, të dy banues në fshatin Grude e Re, Shkodër”.

    Këta shtetas, sipas bluve, në bashkëpunim me njëri-tjetrin, “nëpërmjet lidhjeve të tyre jashtë vendit, kishin siguruar 4000 fara të bimës narkotike cannabis sativa, të cilat do t’i shisnin kundrejt pagesës 16.000 euro”.

    Gjatë kontrollit fizik të ushtruar ndaj tyre, në ambientet e një lokali në lagjen “Manush Alimani”, Shkodër, shërbimet e Policisë kanë gjetur dhe sekuestruar në cilësinë e provës materiale një qese me fara të bimës kanabis sativa dhe një qese me lëndë narkotike kanabis sativa.

    Në banesën e shtetasit K. K., u gjetën dhe dy qese me lëndë kanabis sativa dhe një sasi farash të bimës kanabis sativa.

    Në cilësinë e provës materiale janë sekuestruar në total rreth 4000 fara cannabis sativa dhe 140 doza lëndë narkotike cannabis sativa.

    Materialet iu referuan Prokurorisë së Rrethit Gjyqësor Shkodër, për veprat penale “Trafikimi i narkotikëve”, “Prodhimi dhe shitja e narkotikëve” dhe “Pastrimi i produkteve të veprës penale ose veprimtarisë kriminale” kryer në bashkëpunim.

    Burimi: Panorama.al

  • Kërcënohet biznesmeni dhe i thyejnë xhamat e lokalit/ Ndërhyn policia, ja detajet

    Kërcënohet biznesmeni dhe i thyejnë xhamat e lokalit/ Ndërhyn policia, ja detajet

    Arrestohen dy persona të cilët kanë kërcënuar një biznesmen në qytetin e Durrësit dhe i kanë dëmtuar lokalin në pronësi të tij. Ngjarja ka ndodhur mbrëmjen e djeshme në lagjen nr. 13, Durrës.

    Policia arrestoi në flagrancë, për veprat penale “Kanosja” dhe “Shkatërrim prone”, shtetasit Dh. Gj., 40 vjeç, banues në Kuçovë dhe K. T., 28 vjeç, banues në Kuçovë, i dënuar më parë për veprat penale “Vjedhja me dhunë” dhe “Kanosja”.

    “Këta shtetas, në lagjen nr. 13, Durrës, në bashkëpunim me njëri-tjetrin, kanë kanosur shtetasin D. Q., pronari i një lokali dhe kanë thyer xhamat e këtij ambienti”.

    Gjithashtu u proceduan penalisht për veprën penale “Deklarimi i rremë para oficerit të Policisë Gjyqësore”, shtetasit A. I., 25 vjeç, banues në Tiranë dhe E. Rr., 34 vjeç, banues në Kuçovë, i dënuar më parë për veprën penale “Armëmbajtja pa leje”.

    Menjëherë pas ngjarjes, shtetasit e arrestuar janë larguar së bashku me shtetasit A. I. dhe E. Rr., me mjetin e këtij të fundit, por janë kapur nga shërbimet e Policisë.

    Materialet i kaluan Prokurorisë së Rrethit Gjyqësor Durrës, për veprime të mëtejshme.

    Burimi: Panorama.al

  • Policia aksion për lojërat e fatit që zhvillohen fshehurazi, 3 në pranga/ Ja apeli i uniformave blu

    Policia aksion për lojërat e fatit që zhvillohen fshehurazi, 3 në pranga/ Ja apeli i uniformave blu

    Edhe pse të ndaluara me ligj, lojërat e fatit vijojnë të zhvillohen fshehurazi. Policia e Tiranës ka goditur dy raste duke arrestuar në flagrancë 3 shtetas, si dhe procedohet penalisht 1 shtetas tjetër.

    Shërbimet e Komisariatit të Policisë Nr. 4, kanë organizuar dhe finalizuar operacionin e koduar “Aplikacioni, si rezultat i të cilit, u arrestuan shtetasit:

    T. D., 25 vjeç dhe E. M., 19 vjeç, si dhe u procedua në gjendje të lirë shtetasi K. D., pasi në Rrugën e Dibrës, në lokalin me pronar shtetasin T. D. dhe punonjës shtetasin E. M., u gjetën dhe u sekuestruan në cilësinë e provës materiale 1 aparat celular, 3 aparate dixhitale dhe një sasi valute, që dyshohet se përdoreshin për ushtrimin e aktivitetit të kundërligjshëm të lojërave të fatit.

    Gjithashtu u bë arrestimi i shtetasit S. D., 25 vjeç, pasi në rrugën “Njazi Meka”, në lokalin në pronësi të tij u gjetën dhe u sekuestruan 1 aparat celular dhe tre aparatura të cilat i përdorte për të ushtruar veprimtarinë e kundërligjshme të organizimit të lotarive të palejuara.

    Materialet iu dërguan Prokurorisë së Rrethit Gjyqësor Tiranë, për veprime të mëtejshme.

    Policia bën të qartë se do vijojnë kkundër aktivitetit të lojërave të fatit në të gjithë qarkun e Tiranës dhe në këtë kuadër, fton “cilindo të denoncojë në numrin 112 ose përmes aplikacionit “Komisariati Dixhital”, çdo veprimtari të tillë të kundërligjshme, duke iu siguruar anonimatin dhe reagim të paanshëm kundrejt shkelësve të ligjit”.

    Burimi: Panorama.al