Për herë të parë në histori, “Arena e Demave” do të presë derbin e kryeqytetit mes Partizanit dhe Tiranës. Një ndeshje shumë e rëndësishme kjo për ekipet, të cilat kërkojnë me patjetër të dalin me pikë nga ky takim. Në prag të derbit, trajneri i “demave të kuq” Alekdandar Veselinovic doli në konferencë për shtyp për mediat.
“Arena e Demave”– Nuk jam shumë i sigurtë se në futbollin modern fusha vendase ka ndonjë ndikim të madh. Në futbollin modern kjo diferencë që ka qenë më përpara, tashmë nuk egziston më. Ne luajmë në shtëpinë tonë dhe jam i bindur që tifozët tanë do të krijojnë një ambjent të shkëlqyer. Shpresoj dhe jam i sigurt që do të jetë një festë futbolli dhe një ambient i shkëlqyer.
DY DERBI NË BARAZIM-Çdo ndeshje është një situatë ndryshe dhe sjell situata të reja, kështu që nuk mund të heqim paralele mes ndeshjes së nesërme dhe atyre që kanë kaluar. Mbetet të shohim se çfarë do të dhurojë nesër ky derbi.
GJENDJA E SKUADRËS-Për të qenë korrekt duhet të presim ende, pasi disa lojtarë kanë qenë të prekur nga virozat por kjo është një situatë e përgjithshme, pasi po shohim që të gjitha skuadrat e kanë të njëjtin problem. Shpresoj që të gjithë lojtarët ti kem në dispozicion. Në orët në vazhdim do të kem edhe një raport më të plotë rreth kësaj situate.
