Pjesmarrja e ish-Missit shqiptar në Big Brother Vip do të ishte një eksperiencë interesante, të paktën kështu është shprehur ajo vetë.
Fjala është për Valbona Selimllarin, e cila së fundmi ishte ftuar në “Top Albania Radio”, ku foli edhe nëse do të merrte pjesë në BBV 2.
Valbona tha:
“Nuk kam asnjë paragjykim, por nuk mendoj që jam tipi i “BBV”. Nuk qëndroj dot në një vend, tre muaj janë shumë, dhe nuk mund të rri pa fëmijët. Por është një eksperiencë interesante, shumë interesante…”
Në pjesën tjetër të intervistës, ish-missi zbuloi se po punon për të nisur një projekt në television.
Ajo u shpreh:
“Unë televizionin e kam dashur që fëmijë. Në përgjithësi nuk kam pengje. Kam shumë ambicie dhe ka gjëra që mund të bëj në televizion. Kam një projekt që lidhet me të rinjtë dhe adoleshentët, të cilin shpresoj të arrij ta realizoj.”