Struga është vetëm një hap larg Play-Off të Conference League dhe këtë sezon ka mundësinë që të shkruajë historinë në kupat e Europës. Ditën e enjte, duke filluar nga ora 20:00, ekipi drejtuar nga Shpëtim Duro do të luajë takimin e dytë kundër ekipit luksemburgas Swift Hesperange. Takimi i parë ka përfunduar 3-1 për struganët, por Shpëtim Duro në konferencën për shtypp, u shpreh se lojtarët duhet të fshijnë nga mendja rezultatin e ndeshjes së parë.
“Vijmë pas një rezultati pozitiv në ndeshjen e pare, por janë edhe 90 minuta për t’u zhvilluarr. Kam biseduar me skuadrën dhe u kam thënë futbollistëve që duhet ta fshijmë nga mendja rezultatin e ndeshjes së parë.
Në konferencën për shtyp u shfaq edhe kapiteni i Strugës, Bunjamin Shabani, i cili foli në prag të takimit. “Do të jetë një ndeshje e rëndësishme pasi do të na duhet të japim maksimumin. Siç tha dhe trajneri duhet të harrojmë rrezultatin e takimit të pare”, tha Bunjamin Shabani.