Një rast i paprecedentë ndodhi në minutat e fundit të sfidës Partizani – Teuta. Dy sulmuesit e “Demave”, Xhuliano Skuka dhe Judah Garcia u përplasën me njëri-tjetrin. Ishte pikërisht reagimi i dibranit, i cili kërkoi “konfrontimin” me sulmuesin tjetër të Partizanit. Kjo situatë solli irritimin e tifozëve të “kuq” me Skuka-n.
Ndërkohë që menjëherë pas ndeshjes, Skuka ka reaguar në rrjetet sociale, duke kërkuar ndjesë dhe duke shpjeguar se çdo shpërthim emocional i tij, ka të bëjë me pasionin për Partizanin. Pavarësisht faljes së tij te Partizani nuk ia kanë falur gjestin sulmuesit dibran. Klikoje Sport mëson se drejtuesit kanë vendosur t’ia heqin shiritin e kapitenit dhe t’ia kalojnë mbrojtësin Marcelino Preka. Partizani do të shohë se si do të jetë sjellja dhe gjendja e lojtari, për të rifituar edhe një herë shiritin e kapitenit.