Skënderbeu fiton në javën e tretë të Kategorisë së Parë. Ekipi korçar nuk gabon duke likujduar Ilirinë me rezultatin 2-0, në një ndeshje ku gjithça foli për vendasit. Nasr shënoi golin e parë në minutën e 10′, realizim që në fakt trullosi miqtë të cilët e kishin të vështirë të organizoheshin.
Skënderbeu u mbrojt mirë dhe ruajti ekulibrat në fushën e lojës. Nervozizmi u ndje në ekipin fushë-krujas, sa duhët përmendur që në pjesën e parë u regjistruan katër kartona të verdhë. Në fraksionin e dytë të lojës, Iliria u mundua të hynte në lojë për të ndryshuar fatet e takimit, por kjo gjë nuk ndodhi. Në minutën e 73′, Çuçka do i jepte goditjen e fundit Ilirisë duke shënuar golin e dytë. Një sukses i rëndësishëm për Skënderbeun që pas barazimit me Lushnjën gjen fitoren dhe shkon në kuotën e 7 pikëve, ndërsa Iliria mban vendin e fundit me vetëm 1 pikë.