370
Nëse e ndjeni barkun e fryrë dhe nuk dini se çfarë e shkakton dhe si ta trajtoni atë, atëhere jeni duke lexuar artikullin e duhur.
Shkaqet:
- Intoleranca ndaj ushqimeve është shumë e zakonshme dhe këtu i referohemi kryesisht produkteve të qumështit dhe glutenit, të cilat mund të fryejnë barkun për shkak të prodhimit të gazrave gjatë tretjes së ushqimit.
- Kapsllëku është gjithashtu shkaktar i zakonshëm për fryerjen e barkut. Ajo që mund t’ju ndihmojë është të ndiqni një dietë të ekuilibruar të pasur me fibra, fruta, perime por edhe ecje rreth katër herë në javë nga 20 minuta.
Mënyra e trajtimit:
- Uji është jashtëzakonisht i dobishëm për trupin. Për këtë arsye do ishte mirë të konsumoni ujë mjaftueshëm gjatë ditës.
- Reduktoni konsumin e kripës. Kripa shkakton mbledhjen e lëngjeve në trup, prandaj përpiquni ta kufizoni atë.
- Konsumoni kopër. Studimet e fundit shkencore kanë treguar se çaji i koprës mund të ndihmojë në trajtimin e fryerjes së barkut, duke kontribuar në funksionimin e duhur të zorrëve. Gjithashtu kopra rekomandohet për personat që vuajnë nga sindroma e zorrës së irrituar.
Si të përgatisni çajin e koprës:
Për këtë çaj ju mund të përdorni ose farat e bimës ose gjethet, por duke qenë se farat janë më të pasura në ushqyes dhe vlera, kjo recetë rekomandohet për përdorimin e farave.
Mbushni çajnikun me 250 ml ujë dhe pasi të ketë marrë valë hidhni katër lugë çaji. Hiqeni çajnikun nga zjarri dhe lërini farat të lëshojnë mirësinë e tyre për 10 minuta.
Çaji do të ketë marrë një ngjyrë të këndshme të verdhë.
Filtrojeni dhe pijeni duke e ëmbëlsuar me pak mjaltë.
Ky çaj rekomandohet të pijet tre herë në ditë, mundësisht pas vakteve për të lehtësuar tretjen.