245
Te Vllaznia kanë nisur mosmarrëveshjet vetëm pak javë para startit të kampionatit. Tefik Osmani është drejt largimit nga shkodranët.
Ende nuk dihet se cila është arsyeja e vërtetë, por sipas shtypit të shkruar shkak është bërë mosaktivizimi i një futbollisti në miqësoren ndaj Burrelit. Siç duket kjo që ka trazuar ujërat te kuqeblutë.
Në ditët e ardhshme pritet të mësohet më shumë mbi këtë çështje, ndërsa largimi i drejtorit spotiv para startit të kampionatit do të linte një vend bosh në stafin drejtues të shkodranëve. Kujtojmë se Osmani u bë pjesë e Vllaznisë në nëntor të vitit të kaluar, ku zëvendësoi Elvis Plorin.