Laçi ka prezantuar sot trajnerin e ri të skuadrës, Naci Şensoy, i cili do të marrë drejtimin e ekipit pas largimit të Stefano Senigagliesit.
Şensoy, i njohur për përvojën e tij në futbollin shqiptar, ka qenë më parë në krye të Bylisit, ku ka lënë gjurmë me punën e tij dhe stilin e veçantë të drejtimit.
Largimi i trajnerit italian Senigagliesi vjen pas një periudhe jo shumë të qëndrueshme në rezultatet e ekipit, ndërsa drejtuesit e Laçit kanë zgjedhur t’i besojnë një emri që njeh mirë kampionatin shqiptar.
Objektivi kryesor i Şensoy pritet të jetë rikthimi i skuadrës në ecurinë pozitive dhe konsolidimi i pozicionit të Laçit në renditjen e Kategorisë Superiore.
Postimi i plotë
KF Laçi ka kënqësinë të njoftojë arritjen e marrëveshjes me trajnerin Naci Şensoy, i cili do të marrë nga sot drejtimin e ekipit bardhezi. 67-vjeçari i bashkohet Laçit pas eksperiencave të mëparshme si trajner i Vihrenit, Bylisit, Kukësit, FK Manisa, FC Liria dhe të tjera.
Stafi i KF Laçit i uron mirëseardhjen dhe shumë suksese në pankinën tonë trajnerit Şensoy! 🙌