Elbasani do të luajë këtë të diel përballë Tiranës supersfidën e javës së 14-të të Superiores. Ndeshja që do të zhvillohet në stadiumin “Elbasan Arena”, nis në orën 17:00. Një sfidë mjaft delikate dhe e vështirë për bardheblutë, të cilëve ua bëjnë akoma më “ferr” dëmtimet. Në repartin e mbrojtjes dhe në atë të mefsushës, Elbasani duhet të bëjë pa dy lojtarë kyç.
Emiljano Musta mungon për shkak dëmtimi dhe do të lërë shumë boshllëqe në mbrojtje. Ndërsa mesfushori “kyç” i ekipit, Cristian Dros mungon për çështje kartonësh. Në dyshim është edhe Edon Hasani, por asgjë nuk është vendosur.
Një përballje mjaft delikate edhe për trajnerin Roberto Bordin i cili është para zgjedhjeve të vështira për formacionin titullar.