Kevin Jacobs u bë i njohur për publikun shqiptar pasi Luiz Ejlli tha brenda shtëpisë së “Big Brother VIP 2” se kishte ndjekur strategjinë e tij për të dërguar në televotim tre banorë.
Menjëherë fansat e Luizit nisën kërkimet për Kevin, i cili është ish-fitues i “BB VIP Canada”. Më pas Jacobs bëri disa postime në profilin e tij në “Instagram” ku mbështeste këngëtarin shqiptar.
Së fundmi, ai ka komentuar në një foto që fituesi i “Big Brother VIP Albania” ka publikuar në “Instagram”-in e tij.
Teksa ka pozuar pranë një makine luksoze, Luizi shkruan bashkëngjitur me të: “Gjatë xhirimeve të Fast and Furios”.
Ndërkohë Kevin Jacobs i komenton: “Ti je aktor më i mirë se sa shumica e kastit të Fast and Furios”.
Nuk dihet nëse komenti është lexuar nga këngëtari i dashur për publikun, pasi ai nuk i ka kthyer ndonjë përgjigje.