Reshjet e borës janë rikthyer sot në vendin tonë duke bërë që të bllokohet Rruga e Arbrit, ndërsa mjetet mund të qarkullojnë pa problem në çdo aks kombëtar e turisktik.
Po ashtu gjatë gjithë natës në Korçë ka pasur reshje bore dhe rekomandohet që të gjithë shoferët të kenë me vete të zinhirët e gomave.
Njoftimi nga polícia:
“Polícia Rrugore apelon për të gjithë drejtuesit e mjeteve që lëvizin në drejtim të Tiranës dhe anasjelltas nëpërmjet bypass-Qafë Murrizë, të ndjekin aksin rrugor Klos-Burrel-Ulëz, dhe të mos shkaktojnë trafik.
Akset rrugore kryesore Bulqizë-Peshkopi; Bulqizë-Klos; janë të kalueshme, drejtuesit të mos qarkullojnë pa goma dimërore dhe të jenë të pajisur me mjetet antirrëshqitëse.
Polícia e Rrugore apelon për të gjithë drejtuesit e mjeteve që të tregojnë kujdes të shtuar në drejtimin e mjetit, të shmangin lëvizjet e panevojshme, të moderojnë shpejtësinë dhe të mos bëjnë manovra të rrezíkshme në rrugë. Në rast nevoje për ndihmë, telefononi në numrin 112 ose dërgoni njoftim në Komisariatin Dixhital.”