Pse Einxhel dhe Beniada nuk flasin?/ Qënka një person i tretë “fajtor”

118

Einxhel Shkira së fundmi ka sqaruar arsyen pse miqësia e saj me Beniada Nishanin nuk vazhdon më.

Përmes një video-live në “YouTube”, Einxhel shpjegon se Beniada nuk i ka kërkuar falje për fjalët që nëna e saj i ka thënë asaj, në rrjetet sociale. 

“Mes nesh nuk ka pasur ndonjë sherr apo debat konkret ballë për ballë, të dyja në njëfarë mënyrë e kemi evituar të flasim drejtpërdrejt për këtë gjë. Unë thellë e kam dashur Beniadën sinqerisht, kur disa situata rrodhën në një mënyrë pak zhgënjyese m’u thye diçka e pastër brenda meje. Aty u ndjeva se diçka nuk ishte reciproke dhe pavarësisht kësaj unë vazhdova të jem e njëjta me të. Këtu po flas për javët e fundit kur unë kalova momentet e mia më të vështira ku edhe u akuzova që po bëja presion mbi shoqen time që ajo të vendoste se me kë donte të rrinte. Unë në asnjë moment nuk e kam kërkuar këtë, u desh një qëndrim i saj në situatën me Donaldin që mua të më bënte të dyzuar dhe siç e kam thënë dhe brenda, nuk e di pse është befasi pasi e kam thënë se nëse shoqja ime do ma bënte këtë jashtë nuk do e kisha toleruar”, ka thënë Einxhel.

“Por edhe kur dola jashtë hasa në një situatë aspak të këndshme që kishte ndodhur prej nënës së saj (Beniadës) ku unë isha ofenduar në komente nga ajo që më lëndoi mua dhe familjen time, kur takova nënën time ajo ishte me lot në sy. Kam pritur nga Beniada dhe nëna e saj të më kërkonin falje.

Kjo nuk ndodhi kurrë, kjo më lëndoi dhe zgjodha të hesht, nga ana e saj ka pasur tentativë që ne të takohemi dhe të flasim, por në ato momente nuk kam qenë e gatshme të merrem me sqarime të ‘Big Brother’ sepse sapo kisha marrë vesh për shtatzëninë. Kjo do të thotë që në të ardhmen të ketë hapësira për sqarim.”