Deputeti i PD-së, Belind Këlliçi ka folur në lidhje me draftin e Enkelejd Alibeaj për presidentin e ri.
Këlliçi tha se ky draft fakton farsën, siç e quajti ai, të Edi Ramës për kapjen e këtij institucioni.
Ku sipas këtij të fundit, ky draft është një lloj propozimi që i përshtatet vetëm Edi Ramës.
“Alibeaj nuk ka asnjë tagër për të negociuar në emër të PD. Ai është shkarkuar nga Kuvendi i datës 30 prill. Të bësh mbledhje me 3 persona e ta quash mbledhje të kryesisë është e turpshme. Drafti i Alibeajt fakton legjitimimin e farsës së Ramës për kapjen edhe të institucionit të presidentit. Në pikën një shkruhet se kandidatët për president nuk duhet të kenë eksperiencë politike në 5 vitet e fundit dhe duhet të vijnë nga rrjeti i shoqatave jo fitimprurëse. Ky është një propozim që i shkon përshtat kryeministrit”, tha ai.
Ndër të tjera, Këlliçi theksoi se Presidenti i Republikës duhet të jetë thellësisht politik dhe jo jashtë politikës, siç është shprehur kryeministri Rama.
“Në gjykimin tim momenti, presidenti duhet të jetë thellësisht politik. Edhe e majta dhe e djathta kanë plotë figura që janë përtej forcave të tyre politike”, tha ai.