Duket se ka dritë në fund të tunelit për Erzenin. Skuadra shijakase ishte një nga skuadrat që nuk ka nisur ende me punën për sezonin e ri. Megjithatë në orët e fundit blutë kanë një president të ri, dhe ai do të jetë Ali Kasa. Ky i fundit është takuar me Shoqatën e Klubit së bashku me Bashkinë Shijak, dhe këto dy institucione që drejtuan sezonin e fundit Erzenin, do të ndihmojnë financiarisht biznesmenin me pjesën e tyre të aksioneve.
Emri i parë që po përflitet për të firmosur me Erzenin është Dejvi Bregu. Sulmuesi vlonjat është një lojtarët më kualitativë të Superiores. Në dy sezonet e fundit, 27-vjecari ka qënë pjesë e Boluspor në Turqi.