261
Vllaznia ka siguruar tre pikë shumë të rëndësishme sot përballë Dinamos, duke fituar me një përmbysje 3-1 që e largon nga zona e rrezikshme e klasifikimit klubin shkodran.
Miqtë realizuan që në minuat e parë të sfidës me Denisson, por ekipi vendas ktheu gjithçka në pjesën e parë falë golave të Çobës dhe Grudës (11′ dhe 31′). Goli i Balajt në fraksionin e dytë të lojës vulosi edhe rezultatin përfundimtar që pa Vllazninë të kalojë blutë në renditje për të marrë përkohësisht vendin e pestë.