Ditën e sotme u arrestua në Turqi Dritan Rexhepi, i konsideruar ndryshe si mbreti shqiptar i kokainës. Rexhepi, i cilësuar si kreu i kartelit të drogës me emrin ‘Kompania Bello’, kërkohej nga Italia dhe Shqipëria nën akuzën e trafikimit të drogë nga Amerika e Jugut drejt Europës.
Po në këtë ditë një shqiptar është ekzekutuar më armë zjarri në Guajakil të Ekuadorit. 53-vjeçari shqiptar Arjanit Rizaj u vra më armë zjarri para spitalit “Luis Vernaza”, teksa ishte i shoqëruar me bashkëshorten e tij.
#Guayaquil
— Minuto & Medio (@MinMedio) November 10, 2023
Un caso de sicariato ocurrió cerca del sector de emergencia del hospital Luis Vernaza pic.twitter.com/IfrkaCn2m4
Mediat ekuadoriane raportojnë se ai po qëndronte brenda një mjeti të parkuar kur ndodhi atentati që do i merrte jetën. Bashkëshortja e 53-vjeçarit të ndjere ka deklaruar për hetuesit se ajo e pa skenën nga shumë pranë.
Ndërkohë që banorët dhe disa shitës të zonës deklaruan para autoriteve se në drejtim të 53-vjeçarit qëlluan 2 autorë nga një motoçikletë e bardhë. Sipas informacioneve paraprake nga Policia Kombëtare, vrasësit kanë përdorur një armë zjarri të kalibrit 9 milimetra.
Pas aktit kriminal, ata u larguan në drejtim të paditur. Fillimisht Rizaj u dërgua në urgjencën e spitalit “Luis Vernaza”, e më pas në klinikën “Panamericana”. Mjekët tentuan ta mbanin në jetë, por plagët ishin aq të rënda saqë nuk mbijetoi dot.