Partizani nuk ka arritur të jetë në kohë për të certifikuar stadiumin “Arena e Demave” në ndeshjet e Conference League. Prej muajsh klubi ka nisur punën për të plotësuar kushtet e duhura, por sërish nuk ka qenë e mundur që të kuqtë të luajnë në shtëpi, edhe pse kanë stadiumin e tyre, ku kanë shpenzuar miliona euro.
Ka disa kritere, që nuk janë plotësuar, por më kryesori konsiderohet rruga, që të çon për tek impianti. UEFA nuk e liçenson stadiumin e Partizanit pasi 300 metra rruge deri ne hyrje të stadiumit pasi është e pa asfaltuar. Klubi i Partizanit po pret 5 vite që Bashkia Tirane ta asfalojë ketë rrugë 300 metra.
Fatkeqësisht ende nuk është zbatuar plani për një rrugë të re brenda standardeve. Ky investim kërkon një procedurë të gjatë dhe shihet e pamundur që të realizohet.