59
Partizani do të përballet me Bylisin të shtunën, sfidë që është e vlefshme për javën e pestë të Superiores. Dhe pse jemi 8 ditë larg derbit me Tiranën, Partizani si rrallë herë më parë ka nxjerrë në shitje biletat para se të luhet takimi i radhës.
Derbi me Tiranën do të rikthehej tek “Air Albania” me Partizanin si pritës. Dhe klubi i kuq e ka konfirmuar, ndërsa sfida zhvillohet më 3 tetor prej orës 19:00.
Çmimet e biletave variojnë nga 500 deri në 5000 lekë të reja. Aktualisht mund të sigurohen online dhe Partizani ka treguar rëndësisë që do i kushtojë kësaj sfide. Këtë sezon, dy ekipet e kryeqytetit nuk i kanë bërë një nisje pozitive kampionatit duke shfaqur shumë luhatje.