Partizani-Vllaznia, nuk ka fitues në duelin mes Partizanit dhe Vllaznisë, përballje e vlefshme për javën e 30-të të Superiores. Një barazim 0-0 që la të pakënaqura dy skudrat. Një pjesë e parë me shumë raste nga të dyja skuadrat. Për t’u përmendur ishte rasti i minutës së 16-të.
Harkim nga e majta i Atanaskoskit, topi shkon në shtyllën e dytë për Skukën i cili nuk ia del të devijojë sferën në rrjetë. Partizani do të tentonte sërish portën, këtë herë i rrezikshëm shfaqet Murataj në minutën e 31′, por tentativa e tij u ndal në shtyllë. Rasti më flagrant i Vllaznisë ishte 6 minuta më pas. Lëvizje e bukur e Grudës nga e majta, pasimi i tij në qendër të zonës gjen Alivodën, i cili ka mundësinë të shënojë, por ndalet nga dalja e Qirkos i cili bllokon topin me këmbë.
PJESA E DYTË
Situatat U zhvendosen sa në një gjysmëfushë në tjetrën, por mungon pasimi i fundit për të krijuar raste të rrezikshme para Qirkos dhe Qarrit. Hyrjet e Kekos dhe Binstukas në minutën 65’ në vendin e Skukës dhe Mba nuk sollën diçka në sulmin e Partizanit. Në minutën e 77’ Vllaznia kishte një mundësi të shkëlqyer kur një pasim nga e majta gjen Çobën në shtyllën e dytë, por sulmuesi ndalet nga Qirko. Me këtë barazim, Vllaznia mban vendin e dytë dhe distancën tre pikë larg Partizani.
LEXO MË SHUMË: Partizani në ndeshjen titull pa 4 futbollistë, titullarët fusin Shehin në krizë në prag të sfidës ndaj Vllaznisë
Rezultatet nuk vijnë, të paktën si do të donin te Partizani, por edhe dëmtimet nuk po i japin paqe Orges Shehi. Atëherë kur u duk se për sfidën direkte për vendin e dytë me Vllazninë 46 vjeçari do t’i kishte për herë të parë të gjithë futbollistët e organikës, duke përjashtuar Bytyçin që e ka mbyllur prej kohësh sezonin, situata e mungesave u përkeqësua sërish. E me emra të rëndësishëm madje.