Partizani nuk shkon më shumë se 0-0 në transfertën me Laçin, duke u ndalur në barazimin e dytë radhazi.
Laçi është një fushë e vështirë në të cilën Partizani shpeshherë e ka parë veten në vështirësi. Edhe këtë herë kurbinasit nuk i tradhëtojnë pritshmëritë, duke tentuar disa herë portën e Qirkos. Një përballje mjaft e luftuar mes dy skuadrave, sepse edhe Partizani kërkoi të zgjidhte ndeshjen, edhe pse pa bërë aventura.
Të kuqtë u munduan të ishin të kujdesshëm, mbi të gjitha për të mos pësuar, duke qenë se Laçi po insistonte me Melon e Tresën. Sidoqoftë, në minutën e 42’ pretendime për penallti nga lojtarët e Partizanit, pasi Bintsuka u rrëzua në zonë. Kryesori Bastari vijon lojën. Tentativa e parë në portë për Partizanin ui regjistrua në minutën e 50 me Ismajlin, por Molla ishte në gatishmëri. Ne fund pati dhe nervozizem mes Bullarit dhe Bytyçit.
Një përballje e ekulibruar që nuk prodhoi asnjë gol. Laçi, pas fitores ndaj Elbasanit javën e kaluar, merr një pikë që e ngjit ekipin kurbinas në vendin e gjashtë në kuotën e 24 pikëve, po kaq sa ka dhe Bylis. Ndërkohë në krahun tjetër, Partizani vijon luhatjet në rezultate, aktualisht ekipi kryeqytetas ndodhet në vendin e tretë me 39 pikë, por mund të parakalohet nga Dinamo, që sot luan ndaj Skënderbeut.
LEXO ME SHUME:E FUNDIT/ Partizani bën lëvizjen surprizë, rikthen lojtarin i cili u shpall kampion herën e fundit (FOTO)
Lëvizje surprizë në ditën e fundit të merkatos. David Atanaskoski rikthehet te Partizani. Mbrojtësi 28-vjeçar, i cili fitoi titullin kampion me “Demat e Kuq” në sezonin 2022/2023 dhe Superkupën në sezonin 2023/2024, pas eksperiencës në Rumani, rikthehet në elitën e futbollit shqiptar.