Klubi i Tiranës më në fund ka vendosur edhe drejtorin e ri sportiv, për vendin e mbetur vakant që nga largimi i Agim Ibraimit. Bardheblutë kanë afruar një emër ekspert për këtë rol, ndonëse bëhet fjalë për eksperiencën e parë në vendin tonë.
Kryeqytetasit tashmë kanë në këtë post Omer Bunjaku-n, një drejtues sportiv i cili ka bërë emër jashtë kufijve të Shqipërisë. Ai ishte një nga arkitektët e suksesit të Shkupit, që mori titullin kampion në vitin 2022 duke shkuar deri në play-off të Conference League. Dashuria e Omer Bunjakut për Tiranën ka qenë e herëshme. Më së miri e pasqyron foto e shumë viteve më parë, kur Bunjaku djalin e tij që në muajt e parë pas lindjes, e kishte veshur me fanellën e KF Tiranës. Omer Bunjaku prej disa vitesh ka qenë kryetar i tifo-grupit “Shvercerat” dhe në atë kohë binjakëzimi me “Tirona Fanatics” ishte shumë i fortë.
“Nje foto vllazerore me Mariglen Burreli, duke bisedu per te dy grupet (Shvercerat Shkup, Tirona Fanatics) dhe duke i shiku klubet vllazerore (F.C.Shkupi, KF Tirana). BLUE BROTHERS.” Një foto e postuar e Bunjakut në vitin 2014.
