Tirana fitoi në fundjavë ndaj Vllaznisë dhe blindon kështu vendin e parë në Kategorinë Superiore.Në vendin e 3-të renditet Egnatia, ndërsa top-4 përmbyllet nga Vllaznia. Në një lidhje “Skype”, në emisionin “Sport Neës” në Neës 24 ishte trajneri i mirënjohur, Mirel Josa, i cili foli për situatë aktuale në elitën e futbollit shqiptar duke u shprehur:
“Nuk më takon mua të flas për ndryshimet te Vllaznia, pra nuk më takon të flas për diferencat mes skuadrës time dhe skuadrës që është tani. Ndeshjet e fundit do të jenë ndeshje shumë specifike. Problemi është që lojtarët duhet të mësohen të luajnë me njëri-tjetrin. Nuk pashë ndryshime shumë. Qëndra e mesfushës ishte e njëjta, problemi është qy ky repart duhet të mbështesë Bekim Balajn. Tirana ishte shumë e kontrolluar, kishte iniciativë sulmuese, nuk luajti me kundërsulme por bëri presion në mesfushë.
Skuadra e Tiranës– Shumë e rëndësishme nuk ishte kjo fitore, por sukseset në ndeshjet kundër Egnatias. I ka dhënë shumë plus skuadrës. Merr titullin me 99 përqind. Tirana ka një moment të mirë. Është përmirësuar forma fizike e Abazaj dhe Lushkjas. Nga momenti që Tirana ka luajtur kur unë kam qenë trajner i Vllaznisë, Aleksi është spostuar disa herë. Ndryshe luajtën bardheblutë tani, ndryshe luajtën kur unë isha trajner në Shkodër.