Ai është një ndër ish-banorët e “Big Brother VIP 2” më të komentuar dhe ndjekësit në “Instagram” po i rriten dita-ditës. Është fjala për Ronaldo Sharkën, i cili pas daljes nga shtëpia më e famshme në Shqipëri ka gjetur një mënyrë se si të qëndrojnë në qendër të vëmendjes.
Përveçse i angazhuar në televizion, moderatori i njohur bën postime të ndryshme në profilet e tij në rrjetet sociale, të cilat menjëherë tërheqin vëmendjen e publikut.
Por kësaj radhe, Ronaldo ka vendosur që të bëjë një bisedë virtuale me ndjekësit e tij, të cilët i kanë bërë pyetje rreth BB VIP.
“Pse nuk je opinionist te BB VIP 3?”, e ka pyetur dikush, të cilit Sharka i është përgjigjur se Arbër Hajdari ka lënë një peshë shumë të madhe në atë kolltuk.
“Pesha dinjitoze që Arbër Hajdari i ka lënë atij kolltuku, është peshë shumë e madhe. Unë nuk kam qejf të fluturoj me presh dhe pse vij nga një fshat që prodhohet shumë presh”, ka thënë Ronaldo Sharka.